خبار زوينة للناس لي عندهم الشوف قليل... نضاضر ذكيين غادي تخليهم يشوفو بواحد التقنية متطورة

مجموعة ديال الباحثين في أستراليا طورو واحد التقنية جديدة ولات كتسما ب "اللمس الصوتي" غادي تساعد الناس أنهم "يشوفو" باستخدام الصوت.
على حسب ماقال الموقع العلمي Neuroscience News فهاد التكنولوجيا كتتمتع بواحد القدرة أنها تبدل حياة المكفوفين أو ضعاف البصر.
هاد الجيل الجديد ديال النضاضر الذكية طورات بزاف باش تترجم المعلومات لي كتشاف لواحد الأيقونات مسموعة، وهكدا تقدر تساعدهم على "الشوف".
لي طورو هاد التقنية هما باحثين من جامعة التكنولوجيا في سيدني وجامعة سيدني، بالتعاون مع شركة ARIA Research الناشئة في سيدني.
كتقول منظمة الصحة العالمية، أنه كاين تقريبا 39 مليون واحد في جميع أنحاء العالم مكيشوفوش، وكيعيش 246 مليون شخص خرين مع مشاكل في ضعف البصر بدرجات كتأثر على القدرة ديالهم في المشاركة في أنشطة الحياة اليومية.