الوداد سالاو الاستعدادات للترجي: عادل رمزي وكاع لاعبين الحمرا واجدين ومعولين يجيبو التأهل من التونس

دخلو الوداد الرياضي كيوجدو آخر التحضيرات لمواجهة الترجي التونسي فالماتش اللي غيلعبو غدا الأربعاء، ضمن اياب دومي فينال السوبر ليك الأفريقي فتونس.
وعرفت الحصة التدريبية الأخيرة ديال الوداد الرياضي قبل الماتش ضد الترجي اللي تقامت هذه العشية فتيران رادس فتونس، مشاركة جميع اللاعبين ديال الحمرا بما فيهم الليبي حمدو الهوني اللاعب السابق للترجي.
وتدرب حمدو الهوني بشكل عادي مع الكروب د الوداد وكيبقى قرار المشاركة ديالو مع الواك ضد الترجي من عندمها عند المدرب عادل رمزي.
الحصة التدريبية ديال الوداد فرادس، دازت فأجواء حماسية والمعنويات كانت مرتفعة بزاف واسط الكروب، وخلال كانت التركيز حاضر بقوة وعادل رمزي واللاعبين دارو آخر اللمسات على النهج التكتيكي والأسلوب اللي غيلعبو به ضد الترجي.
بدنيا وذهنيا الوداد واجدين للترجي التونسي، عينيهم على تحقيق نتيجة إيجابية فقلب رادس ويرجعو بالتأهل للمغرب من تونس، ودايرين حسابهم لأي مفاجأة تقدر تخرج لهم فالماتش ضدد الترجي التونسي.