https://fb.watch/nWAWpWD7q2/ عبر عادل رمزي مدرب الوداد الرياضي على الشكر ديالو لرئيس النادي سعيد الناصيري على الدعم اللي كيعطيه للفريق الأحمر، واكد انه السبب فالنتائج الميزيانة اللي كيحقق. وتحدث عادل رمزي فالندوة الصحافية اللي جات بعد وباحت الوداد على انييمبا النيجيري بثلاثة والتأهل فدومي فينال السوبر ليك وقال: "داكشي اللي كنخدمو حنا مهم ولكن ما نساوش الدعم اللي عندنا من ورا الستار، وبالدرجة الاولى من سعيد الناصيري". ووضح عادل رمزي: "سعيد الناصيري عاوني أنا بزاف من الاول وعاون الفريق كامل، ديما كندهلو لوطيلات مزيانين والتنقلات كتكون فظروف جد رائعة، وهادي كيعاوني أنا كمدرب باش الكروب يتجمع". وشدد عادل رمزي: "سعيد الناصيري كيدير لنا زيارات مهمة فوقت مهم كيزيد يدعم بها الفريق، اه أنا كندير خدمتي ولكن كنوه بالدور ديال الرئيس وحنا محظوظين حيث عندنا بريزيدون بحال سعيد الناصيري".