العائلة: الناصيري جمع لاعبين الوداد وموتيفاهم باش يربحو إنييمبا ويتأهلو لدومي فينال السوبر ليك

طلع سعيد الناصيري رئيس الوداد الرياضي المورال للفريق قبل ماتش اليوم الخميس ضد إنييمبا النيجيري، فإياب ربع نهائي السوبر ليك الإفريقي.
ومشى سعيد الناصيري رئيس الوداد الرياضي لعند لاعبين الوداد الرياضي للفندق اللي بايتين فيه البارح الاربعاء، باش يشجعهم وجلس معهم واحد بواحد وشاف شنو خاصهم وحمسهم باش يحققو التأهل لدومي فينال السوبر ليك، وكانت الأجواء زوينة وسط الفريق والطاقم التقني وهما كيتلقاو مع البرزيدون.
وغيلعبو الوداد الرياضي اليوم الخميس ضد إنييمبا النيجيري فستاد دونور، والحمرة معولة على الرباح باش تتأهل لدومي فينال السوبرليك.