الوداد مشاو ناضيين لنيجيريا وما خلاو حتى حاجة للصدفة

كيف العادة ما خلات إدارة الوداد الرياضي حتى شي حاجة للصدفة، فالرحلة ديال الفريق إلى نيجيريا باش يلعبو ضد انييمبا النيجيري ذهاب ربع نهائي السوبر ليك الإفريقي.
مصادر مطلعة، كشفت أن المكتب المديري للوداد الرياضي رسل مع بعثة الفريق إلى نيجيريا اللي شدات الطيارة اليوم الجمعة مع 7 الصباح، طباخ باش يوجد الماكلة للاعبين والطاقم التقني وجميع أفراد بعثة الواك، وحتى شركة للأمن الخاص باش تسهر على تأمين سلامة البعثة من أي حاجة تقدر تبرزطهم.
وداخل الوداد الرياضي لمسابقة السوبر ليك الإفريقي فنسختها الأولى، باش يربح اللقب وماشي للمشاركة وصافي، والفريق باغي يرجع من نيجيريا بنتيجة ايجابية، في انتظار ماتش الروتور فكازا باش يحسم التأهل.