المصريين كاعيين على مخرج معروف.. سلخ واحد السرباي حيت جاتو الفاكتورة غالية وكلشي مصور بالكاميرا

المخرج المصري المعروف مجدي الهواري، لقا راسو فوسط واحد الصداع خايب في مصر، بعدما بان ففيديو وهو كيتعدا بالضرب على واحد السرباي في الريسطو.
على حساب مقالات صحيفة "اليوم السابع" المصرية، هاد المخرج دخل للريسطو يتعاشا هو ولادو، ومللي طلب الفاكتورة، قاليه شي ثمن كبير.
هاد الثمن كعا صاحبنا، ولي تقريبا واصل ل1700 درهم مغربية، ودخل معاه في الصداع وتعدا عليه بالضرب.
على حساب ماقال مول الريسطو، المخرج ديالنا تعدى على السرباي واخا مول الريسطو نقص ليه النص ديال الثمن.
دابا المخرج في مشكل كبير خاصة وأن كلشي مسجل في الكاميرا ديال المراقبة.