الفيفا غيفرقو مبابي على ماماه فايزة

غيخص النجم الفرنسي كيليان مبابي لاعب باريس سان جيرمان يقلب على وكيل أعمال جديد، فبلاصة ماماه الجزائرية فايزة العماري.
وحسب جريدة "ماركا" الإسبانية، فاللوائح الجداد ديال الاتحاد الدولي لكرة القدم الخاصين بوكلاء اللاعبين المرخص لهم فالعالم، ما كاناش فيهم فايزة العماري أم كيليان مبابي، وبالتالي فما تقدرش تخدم وتفاوض على ولدها.
وكانت فايزة العماري دارت البوز الصيف الماضي، حيث دارت محاولات كثيرة باش كيليان مبابي يمشي يلعب فريال مدريد الإسباني لكنها فشلت، وبسبب هذا الشي العلاقة ديالها مع باريس سان جيرمان خسرات وحتى ولدها كانوا حيدوه من الفريق الأول.