اجتماع بين البارصا و PSG على قبل مبابي.. واش يقدرو يحسمو الصفقة واخا الهلال السعودي حاط 300 مليون أورو ؟

دخل البارصا الإسباني فالقضية ديال الدولي الفرنسي كيليان مبامي للي داير البوز خلال هذا الميركاتو الصيفي وهو وفريقو باريس سان جيرمان، حيث الأخير باغي يبيع العقد ديالو حيث رفض يجدد معه.
وكشفت جريدة "ليكيب" الفرنسية، أن باريس سان جيرمان الفرنسي جاه عرض القيمة ديالو 300 مليون أورو من الهلال السعودي، ولكن راه غيناقش كذلك عرض من البارصا الإسباني.
وحسب نفس المصدر، فالبارصا مهتمين بكيليان مبابي، واليوم غيديرو اجتماع مع باريس سان جيرمان بالتيليفون، على قبل اللاعب الفرنسي اللي كيتعتبر حاليا هو أحسن لاعب فالعالم.
ووضحات الجريدة الفرنسية، أن البارصا باغي يدخل شي لاعبين فالصفقة مع باريس سان جيرمان، باش ياخذ كيليان مبابي حيث ما عندوش لفلوس كافية، للي تحسم البيعة وشرية ديال اللاعب الفرنسي.