كسيدة فشكال.. راجل شفر طوموبيلا فيها دري صغير وخون بنكة وقتلاتو شجرة

فمشهد بحال داكشي ديال هوليود، واحد الميريكاني شفر طوموبيلا من حدا شي مدرسة واخا فيها دري صغير راكب اللور، ومشا سرق بنكة، ولكن في الأخير قتلاتو شجرة.
حسب ما قالت وكالة "أسوشييتد بريس" الميركانية، هاد السيد مشا لحدا واحد المدرسة وسرق طوموبيلا فيها دري صغير، وشما نيشان لواحد البنكة سرق ليهم الفلوس.
ومع التسعود ونص ديال الصباح بعدما وصلات التبركيكة للبوليس، السيد بغا يهرب من البوليس وهو يدخل فشجرة ومات داك الساعة.
الخبار الزوينة فهاد الواقعة، هو أن الدري ما وقع ليه والو الحمد لله، وتعرض غير لإصابة خفيفة.