الوداد سالاو الشوط الاول رابحين هافيا الغيني وحاطين الرجل الأولى فالكروبات

حطو الوداد الرياضي جاهم الاولى فدور مجموعات عصبة ابطال أفريقيا، بعدما خرجو رابحين الشوط الاول من الماتش ديالهم ضد هافيا كوناكري الغيني، اليوم السبت فستاد دونور برسم روتور الدورة 32 من المسابقة.
وسالا الشوط الاول بين الوداد الرياضي وهافيا كوناكري بنتيجة 2 لزيرو لمصلحة الفريق الأحمر، وماركا الهدفين ديال الوداد كل من يحيى عطية الله بكري فالدقيقة 3، وحمدي الهوني فالدقيقة 15.
ومن المنتظر يدخلو الوداد الرياضي فالشوط الثاني لتعزيز النتيجة بأهداف آخرى، ويقتلو الماتش باش ما يخليو حتى فرصة لهافيا الغيني يديرو شي مفاجأة.