حسنية أكادير غادين فالخسران.. هزيمة جديدة للسوسيين فالبطوبة فماتش مع الفتح وبداو كيغرقو

ولاو حسنية أكادير عاطينها غير للخسران، ودايرين بداية كارثية هذا الموسم بمعنى الكلمة، بعدما خسرو ماتش جديد وهذا الشي اليوم الأربعاء مع الفتح الرياضي فماتش مؤجل عن الدورة 4 من البطولة الاحترافية.
الماتش استقبلوه الفتح الرياضي فتيران مولاي الحسن فالرباط، وربحوه فيه الرباطين الحسنية بنتيجة 2 لزيرو، وسجل الهدفين ديال الفتح بجوج كل من أمين لمسن فالدقيقة 43، وحمزة هنوري فالدقيقة 55.
وخداو الفتح الرياضي بعد هذا الرباح 3 بوان رفعو بها رصيدهم إلى 8 النقاط وطلعو للمركز الثاني مع الرجاء الرياضي، أما حسنية فغرقو حيث هذا هو ثالث ماتش كيخسروه من أصل 4 لعبوهم حتى لدابا هذا الموسم، وعندهم نقطة وحدة من تعادل فماتش سابق كيحتلو بها المراكز 14.