واش حيدوه على قبل أوناحي؟ مارسيليا طيرو المدرب مارسيلينو ومشى ودع اللاعبين

دارو أولمبيك مارسيليا الفرنسي حد للتجربة ديالهم مع المدرب الاسباني مارسيلنو، بعد البدية المعكلة للفريق هذا الموسم، وعدم الاعتماد على لاعبين مزيانين بحال النجم المغربي عز الدين أوناحي.
وكشفت جريدة "ليكيب" الفرنسية، قبل لحظات فالمدرب مارسيلينو تلقا مع لاعبين الفريق هذا الصباح بالنادي، وقام بالتوديع ديالهم وقالهم راني غادي بحالي.
نفس المصدر أكد أن مارسيلينو ما غيدربش مارسيليا مازال، وأن اللي غيتولى مهمة تدريب الفريق الخميس الجاي ضد اياكس امستردام فاليوروبا ليك هو جون بيير بابان.
وتلقى مارسيلينو انتقادات كبيرة من طرف عشاق أولمبيك مارسيليا بسبب الاختيارات ديالو، وخصوصا حيث ما كيعتمدش على النحلة عز الدين أوناحي، ومخليه فالاحتياط.