ماريان: المساعدات الإنسانية اللي كتعرضها الدول ماشي تعاطف... والدول اللي عندها تاريخ عريق كترفضها

قالت صحيفة "Mariane" إن المساعدات الإنسانية اللي كتعرضها الدول وكتقدمها غالبا ماشي على قبل الإنسانية ولا التعاطف وإنما سياسة فيها مصالح وأهداف.
وأوضحت الصحيفة بمثال تركيا وسوريا فاش ضربهم الزلزال اللي وصلات القوة ديالو ل7,8 درجة ففبراير الماضي وقتل حوالي 50 ألف شخص، المجتمع الدولي كامل تسابق باش يعرض المساعدة على البلدين لا الدول الصديقة للبلدين ولا الدول اللي عندهم معاها عداوة أو خلافات فحال فرنسا.
وفهاد الإطار دارت الصحيفة الفرنسية "ماريان" مقابلة مع روني براومان، طبيب وعضو مركز التفكير فالعمل الإنساني والمعرفة (CRASH) والرئيس السابق لمنظمة أطباء بلا حدود من عام 1982 إلى عام 1994.
كيقول براومان إن مور الكارثة اللي ضربات تركيا وسوريا، المجتمع الدولي كامل تسابق باش يقدم المساعدة، لاسيما الاتحاد الأوروبي، مضيفا أن السرعة باش تسابق المجتمع الدولي باش يعاون سوريا وتركيا مختلفة مثلا على الفلبين اللي جاوها مساعدات دولية بطيئة فاش جاها إعصار ف 2013 وقتل 6300 شخص.
ووضح أن السبب ديال اهتمام المجتمع الدولي خصوصا الاتحاد الأوروبي بسوريا وتركيا هو الموقع ديالهم، حيث جاو على حافة أوروبا وكاينين فوسط صراعات كتلعب دور المحفزات لدول أخرى.
واضاف أنه كاينة دبلوماسية أوروبية حقيقية لمواجهة الكوارث، والاتحاد الأوروبي هو أكبر جهة مانحة للمساعدات الإنسانية فالعالم لأنها كتشكل القوة الناعمة بالنسبة ليه، حيث كيستعرض بيها الحضور والقوة ديالو .
ومن جهة أخرى، شرح أن الدول اللي كترفض المساعدة فحالة الكوارث كتشترك فتاريخها الطويل فحال تركيا، وريثة الإمبراطورية العثمانية، أو الهند أو الصين كطريقة باش يبينو الشعور الوطني القوي، الذي كيترجم للاكتفاء الذاتي.
وزاد شرح أنه حتى أعداء سوريا وتركيا واللي عندها معاهم خلافات عرضو المساعدات، وكانت فرنسا، من أوائل الدول للي عرضات المساعدة باش تشكل الروابط الممزقة وتقاد العلاقات شوية.
وأضاف أن فرنسا خطيرة فالسياسة الخارجية التراثية، وهي شكل من أشكال الدبلوماسية اللي عندها، لأنها عارفة أن الأشكال اللي كيواجهوها الدول فشي كارثة فحال الزلزال هو إعادة الإعمار لأنه غالبا المساعدات اللي كتتلقاها من الدول الأخرى عبارة على المساعدات الطارئة للجرحى وهي غتقدر تعاون فإعادة الإعمار خصوصا المعالم الأثرية.
https://www.marianne.net/monde/geopolitique/aide-humanitaire-en-turquie-et-syrie-les-etats-sont-des-monstres-froids-qui-calculent-leurs-interets?fbclid=IwAR3xMbxxOnA9Sp1O-LlyzrpUunVAJJkjdGP7F9-ZRMQ9LzJ5ceHlst2gvLI