بودريقة: ميركاتو الرجاء سالا باقين غير شي روتوش بحال مروان فخر اللي رجع

قرر محمد بودريقة رئيس الرجاء الرياضي والمكتب المديري ديالو يرجعو الكول مروان فخر إلى الفريق، بعدما كانوا تفارقو معاه حيث كان بينهم خلاف على المستحقات المالية ديالو.
وكشف محمد بودريقة خلال الندوة الصحافية اللي دار اليوم بلاكاديمي ديال الرجاء، أن ميركاتو الرجاء الرياضي سالا من غير بعض الروتوشات بحال الحارس المرمى مروان فخر، غيرجع للرجاء الرياضي بعدما اتفقو معه على عقد جديد غيسنيه مع النادي.
وغيكون مروان فخر هو الكول الثاني ديال الرجاء الرياضي بعد الحارس الاول للخضرا أنس الزنيتي، وكيجي هذا الشي تلبية لطلب المدرب جوزيف زينباور.