تسمم جماعي ديال 40 واحد أغلبيتهم طلبة قالب وجدة.. سلطات المدينة هبطات الريدو لمطعم كاين حدا الجامعة وفتحات أونكيط

علمت "كود" أن السلطات المحلية بمدينة وجدة، اتخذت البارح الأربعاء، قرارا باش يتسد محل ديال بيع المأكولات الخفيفة واللي قريب من الجامعة، بعدما تم تسجيل تسمم عشرات من الأشخاص.
وقالت مصادر محلية ل"كود" إن ما مجموعه 40 شخصا، وأغلبهم طلبة، تعرضوا لتسمم جماعي بعد تناولهم وجبة غذاء من هاد المطعم اللي تسد مباشرة بعد توصل السلطات المحلية بمعلومات بهاد الخصوص.
المصابين كلهم كانوا مشاو للمستشفى وخداو العلاجات الضرورية، قبل ما تستقر حالتهم الصحية، فالوقت اللي فتحات فيه السطات المحلية والأمنية تحقيقا فهاد الحادث لتحديد المسؤوليات.