جثة ديال مول كاسكروطات معلقة فالمحل ديالو استنفرات الأجهزة الأمنية ببني ملال

واحد الراجل متزوج وعندو طفلة، تايبيع المأكولات ببني ملال ، لقاوه مشنوق، قبل قليل، وسط المحل ديالو لي مخصص لبيع الكاسكروطات باحد احياء مدينة بني ملال.
وافاد مصدر ل"كود" بلي السلطات ورجال الامن، والشرطة العلمية والتقنية مشاو لعين المكان، ودارو تمشيط للمحل، باش يعرفو اشنو الملابسات وراء هاد الحادث.
وتشير المعلومات الاولية، وفق مصدر "كود"، ان الراحل من المرجح انه شنق راسو بحبل، ربما لكونه تايعاني من مشاكل مالية.
ويضيف مصدر "كود" ان الجثة ديال الهالك داوها الى مستودع الاموات ببني ملال باش يخضعوها للتشريح الطبي.