طنجة.. مدابزة بين مرا وراجلها بسباب المصروف ديال الدار وقت الفطور كملات بانتحارها من الطابق الخامس

حادث مأساوي عاشتو ساكنة مجمع سكني نهار الجمعة، بعدما لاحت سيدة متزوجة راسها من الطابق الخامس ديال عمارة، لي كتعيش فيها مع راجلها وولادها.
مصادر محلية أكدات بلي، مدابزة بين الزوج ومراتو، بسباب نقاش على مصروف الدار، قبل أذان المغرب ليارح الجمعة، بسباب مشاكل زوجية، دفعاتها باش ترمي راسها من الطبق الخامس ديال عمارة فوسط مجمع سكني فلمدينة.
الهالكة سلمت روحها لبارئها، مباشرة بعدما طاحت للأرض، بحيث ماتت فلبلاصة بسبب قوة الارتطام بلأرض.
وفور تلقيها الخبر، وصلات مصالح الأمن المختصة لعين المكان، بحيث تم إيقاف الزوج باش يتعمق معاه فإطار البحث لي دار، باش يوصلو للأسباب الحقيقية لي خلات الزوجة ديالو تنتاحر بطريقة مأساوية.