فداخلية على الشريط الحدودي..تسمم صيفط 47 تلميذة للمستشفى الجامعي فوجدة ومسؤول ل"كود": كلهم تلقاو العلاجات ورجعو لديورهم ولجنة كتحقق فالواقعة

علمت "كود" من مصدر مسؤول أنه تم نقل 47 تلميذة إلى المستشفى الجامعي بوجدة، على إثر تسمم في وجبة العشاء بداخلية إعدادية أبي ذر الغفاري، المتواجدة في الشريط الحدودي بني درار.
وقال مصدر مسؤول ل"كود" بأن التسمم وقع لبارح بالليل فوجبة العشاء، واغلب التلميذات رجعو لديورهم بعد تلقيهم للعلاجات فالليل وبقاو 3 حالات وفصباح رجعو، مؤكدا بأن فريق جهوي من المكتب الوطني للسلامة الصحية غايمشي لعين المكان باش يشوف الأسباب ديال هاد التسمم.

بني درار فيلاج فالشريط الحدودي مع الجزائر، مافيهاش إمكانيات باش يتلقاو هاد البنات العلاجات بالليل، داكشي علاش ترسلو للمستشفى الجهوي بوجدة.
ومن المرتقب أن تؤدي هذه الحادثة إلى إعادة فتح النقاش حول تموين مؤسسات الإيواء للتلاميذ في الوسط القروي.
واش الوزارة غاتفتح تحقيق مع المسؤولين على الشأن التعليمي بالمنطقة؟ أو تطوي هاد الفضيحة ديال التسمم.