النحلة أوناحي جاه عرض من النكليز والكرة عندو وعند مارسيليا

صبح الدولي المغربي عز الدين أوناحي لاعب أولمبيك مارسيليا الفرنسي مرشح باش يمشي يلعب فالبطولة ديال النكليز، وهذا الشي ابتداء من هذا الموسم الرياضي.
وكشفت شبكة Sky sports، اليوم الاربعاء، أن نادي برينتفورد الممارس بالدوري النكليزي الممتاز، بدا كيناقش مع نادي مرسيليا الفرنسي فريق عز الدين أوناحي الملقب بالنحلة باش يجيب الاخير يلعب معه.
وحسب نفس المصدر، ففريق برينتفورد الملقب حتى هو بالنحل، وبسبب الاصابات اللي عندو فلقى الحل فالنجم المغربي عز الدين أوناحي، بالنظر للعروض الكبيرة اللي قدم فوسط التيران مع المنتخب المغربي خلال مونديال 2022.
نفس المصدر، أكد أن الكرة دابا عند عز الدين أوناحي وأولمبيك مارسيليا