باحثون كتاشفو السر ديال قلة النعاس عند الناس الكبار

الباحثون دارو دراسة لدوائر دماغ ديال الفيران باش يفهمو كيفاش كيخدم الدماغ فالوقيتة ديال نعاس، وكانوا كيقلبو على مادة كيميائية كينا فالدماغ سميتها "هيبوكريتين" كتفرزها الخلايا العصبية فمنطقة تحت المهاد.
هاد مادة "هيبوكريتين" عندها دور رئيسي فالشعور باليقظة، والباحثون بغاو يعرفو تأثير ديالها، وقارنو دوائر دماغ الفيران صغار بالكبار، ولاحظو أنَّ الأدمغة ديال الفيران لكبار مشات ليهم 38% من مادة "الهيبوكريتين"، مقارنة بالفيران صغار.
هاد نقص فمادة "الهيبوكريتين" فالأدمغة ديال الفيران الكبار بين علاش جودة نوم كتكون مامزياناش عند ناس الكبار، وهاد الدراسة عطات أدلة مهمة كتوضح كيفاش شيخوخة الدماغ كتأثر على النعاس، وبلي ناس الكبار خاص يتبعو عادات النوم الصحي باش ميبقاوش يفيقو فليل.