لاعبات المنتخب الاسباني علنو مقاطعة الماتشات حتى يمشي روبياليس بحالو

قررو لاعبات المنتخب الاسباني لكرة القدم سيدات، مقاطعة ماتشات المنتخب، إلى ان يرحل رئيس الاتحاد الاسباني لويس روبياليس من المنصب ديالو.
وخرجو لاعبات المنتخب الاسباني لكرة القدم، بلاغ سناو فيه كاملين، وعلنو فيه بلي ما غيلعبو مع اسبانيا حتى يقدم لويس روبيلياس الاستقالة ديالو او يمشي بحالو من رئاسة المنتخب الاسباني، احتجاجا وتضامنا مع صحبتهم فالمنتخب جيني هيرموسو اللي باسها روبيلياس فالفم خلال فينال كاس العالم للسيدات 2023.
بلاغ لاعبات المنتخب الاسباني تضمن ايضا رد من اللاعبة الاسبانية جيني هيرموسو على داكشي اللي قال لويس روبيلياس امام اعضاء الاتحاد الاسباني لكرة القدم، وأكدت أنها ما موافقاش على انه يبوسها كيفما دار وقالت: " بغيت نوضح أنه، كيفما بان فالصور، راه ما وافقتش على البوسة اللي باسني، وما ما نويتش الاغراء ديالو، وراني لا أتسامح مع التشكيك فكلامي".