فيورنتينا كيضغطو على سفيان أمرابط وعطاوه مهلة باش يحدد المصير واش يمشي بحالو ولا يبقى

مازال فيورنتينا الايطالي فريق الدولي المغربي سفيان أمرابط، كيحاولو يبززو عليه يبقى معهم، خلال الموسم الجاي وكيضغطو عليه بعدما تمادوا فالشروط ديالهم للسماح له بالانتقال إلى فريق اخر.
وحسب موقع "كوريري ديالو سبورت" الايطالي، فالمسؤولين ديال فيورنتينا الايطالي دواو مع سفيان امرابط وعطاوه مهلة ديال 72 ساعة ما يفوتهاش، باش يقرر واش غيبقى مع الفريق أو يجيب عرض مزيان ويمشي بحالو.
وصبح سفيان امرابط محط الانظار مدة هادي، وكلشي المتتبعين للكرة الأوروبية باغيين يعرفو فين غيمشي يلعب النجم المغربي، خصوصا ان عدد من الاندية الكبيرة كانت باغيا تسني معه بحال البارصا ومانشستر يونايتد وليفربول واتليتيكو مدريد ولكن كل واحد وعلاش ما قدرش يكمل الصفقة، سوا بسبب المطالب المالية لفيورنتينا او قوانين النظيف.