ويستهام عاجبهم النصيري وباقين حاطين عليه العين

رجعو ويستهام الانجليزي فريق الدولي المغربي نايف أكرد كيهتمو بالنجم المغربي الاخر يوسف النصيري لاعب اشبيلية الاسباني، وباغيين يسنوي معاه.
وكشف موقع Talk sport الانجليزي، أن ويستهام بدا كيهتم تاني بالمهاجم المغربي يوسف النصيري، وهذا الشي بعد أشهر على رفض اللاعب الانتقال إلى الفريق الانجليزي، اللي كان قدم عرض بقيمة 27 مليون أورو لاشبيلية الاسباني باش يسنيو معه ولكن هو رفض.
فريق ويستهام وحسب نفس المصدر، كيقلب على بروفيل بحال ديال يوسف النصيري وعاجبو اللاعب المغربي، اللي كيماركي على الفرق الانجليزية، حيث كان قصى مانشستر يونايتد قدومي فينال اليوروبا ليك وضرب عليهم 2 بيوتا، وماركا قبل ايام على مانشستر سيتي ففينال السوبر الاوروبي.