عندو 20 دراع.. العلماء لقاو لأول مرة حيوان بحري شكلو كيخلع- فيديو

موقع Business Insider الميريكاني قال إن الباحثين لي كيدورو فالمحيط لي قريب من القارة القطبية الجنوبية كتاشفو مخلوق جديد، والناس ملي شافو هاد الحيوان فتصاور تخلعو من شكلو، وهاد الباحثين سماوه سمية ديال شي فاكهة.
على حسب ما قال الموقع، فغريغ روس، أستاذ الأحياء البحرية بجامعة كاليفورنيا بمدينة سان دييغو كيأكد دكشي لي فالفيديو وقال بللي هاد المخلوق البحري لي سماوه "نجمة ريش الفراولة" عندو 20 "ذراع"، وطول ديال كل ذراع 20 سنتيم.
سميتو ديال بالصح هي Promachocrinus fragarius وكينتمي لفئة Crinoidea أو زنابق البحر، بحالو بحال نجم البحر، وقنافذ البحر، والباحثين، لقاوه على عمق كيتراوح بين 65 مترو و1170 متر تحت سطح ديال لبحر.