بوخلال بادي سخون فبطولة فرنسا.. النجم المغربي ماركا هدف من كرة ميتة وساهم فرباح تولوز

بادي الدولي المغربي زكرياء بوخلال مع الفريق ديالو تولوز الفرنسي بالتأقل من اول ماتش هذا الموسم، واللي لعبوه اليوم الأحد ضد فريق نانت برسم الدورة الأولى من البطولة الفرنسية.
وقدر زكرياء بوخلال يساهم فالرباح ديال تولوز اللي كان خاسر مع نانت بواحد لزيرو، ونجح النجم المغربي وجاب له التعادل بهدف من كرة ميتة قدر يماركيها فالدقيقة 62، قبل ما يزيد صاحبو راسموس نيكولايسن الهدف الثاني د الرباح فالدقيقة 90.
بهذا كيكون النجم المغربي زكرياء بوخلال بدا انطلاقة موفقة، وراه معولين عليه تولوز بزاف هذا الموسم، باش يزيد يعطي كثر من الموسم الماضي، اللي قاد فيه الفريق إلى التتويج بكأس فرنسا.