بغا يروج للحفاظ على البيئة.. الأمير وليام كيبيع البركَر فزنقة – فيديو

فيديو ديال الأمير وليام وهو كيبيع البرغر في كروسة في لندن للناس دار البوز، وخلا الناس حالة فمها بالصدمة مللي قال ليهم بأن هاد لبرغر صديق للبيئة.
الأمير وليام بغا يبين الخدمة ديال الفائزين العام اللي فات بجائزة "إيرث شوت" اللي كدار كل عام، واللي دارها باش يحاولو يلقاو حلول لمشكلات البيئية.
الناس فرحو بزاف ملي شافو الأمير وليام، وكان كيبيع بطريقة زوينة خلات كلشي باغي يشري لبرغر، والأمير تعاون مع المؤسسين ديال قناة "سورتد فود" فليوتيوب، اللي كتبارطاجي وصفات ديال الماكلة، باش تبين الأعمال ديال 3 د الفائزين بجائزة "إيرث شوت".
Prince William surprised members of the public when he served environmentally friendly 'Earthshot Burgers' from a food truck in Bermondsey, south London https://t.co/uN3pk4fAVF pic.twitter.com/j66LUuELEK
— Reuters (@Reuters) July 31, 2023