البوليس ف أندونيسيا لبسو الكفن باش يخلعو الناس اللي مامسوقينش للإجراءات ضد انتشار كورونا – فيديو

بزاف ديال الناس في أندونيسيا ماكيحتارموش الإجراءات الصحية و الاحترازية المفروضة ف بلادهم ضد انتشار فيروس كورونا.
الحل اللي لقاو السلطات في البلاد هو أن البوليس يلبسو الكفن ويخرجو للزنقة في الليل باش الناس يشوفوهم بحال الأشباح ويخلعوهم شويا و يفكروهم بخطورة فيروس كورونا وضرورة الالتزام بكل الاحتياطات ضدو.
أندونسيا اللي فيها نسبة كبيرة من اللي كيآمنو بالقوى الخارقة، على هادشي ختارت السلطات هاد الطريقة باش يخلعو الناس ويبداو يلتازمو بتعليمات الحكومة المحلية.
السيمانة اللي فاتت ماتو 4500 واحد بالفيروس في أندونيسيا والحالة الوبائية عندهم خايبة بزاف.