قولبات العالم. مولات الروكور ديال 10 توام عمرها حملات ولا ولدات.. و البوليس شدوها!

كَوسيامي تامارا من جنوب إفريقيا كذبات على العالم كامل بعدما قالت أنها ولدات 10 توام دقة وحدة و أنها حققات رقم قياسي.
البوليس اعتاقلوها وتبين أنها عمرها كانت حاملة وغايبداو معاها لونكيط على شنو اللي خلاها تكذب وتفبرك هاد "الفيلم" كامل، وتوهم الجميع، بمن فيهم راجها، أنها حاملة بعدد كبير من التوام.
وبعدما شدوها البوليس داوها للصبيطار باش يشوفو حالتها و يتأكدو من صحتها النفسية و العقلية.
راجلها اللي كان دار إعلان السيمانة اللي فاتت باش يقلب عليها، حيا كانت خوات الدار و غبرات، قال أنه عمرو شاف كرشها عريانة وعمرو ماشاف الولاد اللي قالت أنها ولداتهم.