المغربية نهيلة بنزينة ولات أول لاعبة كتلعب بالحجاب فمونديال العيالات وخالقة البوز فماتش المغرب وكوريا

أصبحت اللاعبة الدولية المغربية نهيلة بنزينة، أول لاعبة محجبة كتلعب كأس العالم للعيالات، بالمشاركة ديالها فماتش المنتخب المغربي أمام كوريا الجنوبية، اليوم الأحد فمونديال 2023، بأستراليا ونيوزيلاندا.
ودخلت نهيلة بنزينة لابسة الزيف ديالها، فالماتش اللي بادي دابا وراه لفتت الانتباه سوا د الجماهير اللي حاضرة بالملعب أو استوديوات القنوات العالمية اللي ناقلة الماتش، حيث ما سبق لحتى شي لاعبة دخلت فشي كأس عالم للسيدات تلعب بالحجاب.
وقرر الناخب الوطني رينالد بيدروس يدخل نهيلة بنزينة المدافعة مولات 25 عام، المحترفة مع فريق الجيش الملكي بطل المغرب وأفريقيا، (قرر) يدخلها فوسط دفاع المنتخب المغربي ضد كوريا الجنوبية، بعدما خلاها احتياطية فالماتش الأول ضد ألمانيا.