فيلم باربي كيدخل لتاريخ.. جمع مبلغ قياسي فالعرض الافتتاحي وكان أقوى إنتاج سينمائي ديال مرا

حقق فيلم باربي للمخرجة الميريكانية، غريتا غرويغ 377 مليون دولار فالعرض ديالو الأول ديال هاد السيمانا فالعالم كامل.
فيلم باربي خدا المركز الأول فشباك التذاكر فأمريكا الشمالية- فالولايات المتحدة وكندا- وربحو 155 مليون دولار من 4243 دور عرض، هادشي خلاه يتفوق على فيلم Super Mario Bros Movie وݣاع الأفلام ديال مارفل اللي تعرضات هاد العام.
هادشي لي كانت كتحلم بيه هوليوود ملي بدات كورونا، وقالت أنها بغات تحقق أرباح تعوض بيها العام لي ضربات فيه الجائحة العالم كامل، وتسببات في خسائر للممثلين.