دراسة خلعات لعيالات.. لقاو مواد كيميائية فدم الحاملات تقدر تأثر على صحتهم وصحة وليداتهم

دراسة داروها مجموعة من الباحثين ولقاو أن بزاف ديال المواد الكيميائية للي كيصوبو بيها البلاستيك ومجموعة كبيرة من المنتجات الصناعية منتشرا في الدم ديال لعيالات الحاملات، وهادشي كيزيد من المخاطر الصحية على الأمهات ووليداتهم.
وتريسي وودروف، الأستاذة الجامعية ومديرة برنامج الصحة الإنجابية والبيئة فجامعة سان فرانسيسكو قالت بللي خاص نجتاهدو باش نفهمو كيفاش كتآتر هاد المواد الكيميائية على صحتنا حيت النتائج اللي توصلو ليها لباحثين بينات أن هاد المواد اللي كيستعملوها الناس يوميا خطيرة على صحة.
هاد المواد كترتابط بمشكلات صحية بحال السرطان وانخفاض الخصوبة وأمراض الكلى، وكتستعمل فصناعة السلع الاستهلاكية الشعبية، وتقدر تتسرب فلما ديال الشرب من المصانع، أو محطات معالجة مياه الصرف الصحي، أو مقالب القمامة، أو بعض رغاوي مكافحة الحرائق.