بأكبر فم فالعالم.. دري ميريكاني دخل موسوعة كَينيس للمرة الثانية – فيديوهات

دخل شاب كيسكن في بلومينكَتون (Bloomington) فولاية مينيسوتا الميريكانية، موسوعة كَينيس للأرقام القياسية بأكبر فم فالعالم، حيت قدر يحل فمو 10 سنتيمتر.
الولد عندو 21 عام وقال أنه ماحدو كيكبر وفمو كيزيد يوساع.
وكشف إيزاك جونسون (Isaac Johnson)، بللي بزاف ديال البرامج التلفزيونة عيطو عليه باش يكون ضيف ليهم كواحد من بين "أغرب" الناس اللي محطمين اأرقام قياسية، وهادشي فرحو بزاف.
واعتابر مول الروكور الجديد، (اعتابر) راسو محظوظ حيت عندو فم كبير وفنفس الوقت ملي كيسدو كيبان "طبيعي وعادي".
وللإشارة هادي المرة الثانية فاش دخل جونسون موسوعة كَينيس ورجع الروكور اللي كان عندو قبل، وقال أنه ماباغيش يخسرو مرة أخرى.