سوء التنظيم والمارشي نوار خالق فوضى فتيران الرباط قبل فينال كأس بين الرجاء وبركان. المسؤولية ديال المنظمين ماشي ديال الرجا ولا الادارة ديال بركان

نايضة فتيران مولاي عبد الله بالرباط، قبل ماتش فينال كأس العرش بين الرجاء الرياضي ونهضة بركان اللي غيتلعب هذه الليلة.
سوء التنظيم ديال اللجنة المشرفة على فينال كأس العرش بين الرجاء الرياضي ونهضة بركان، وبزاف د الجماهير اللي ما لقاتش تذاكر جعل عدد من المشجعين يديرو الفوضى بالباراجات المحيطة بالملعب والابواب ديالو، باش يدخلوا يتفرجو فالماتش بين الفريقين.
الروينة اللي واقعة بمحيط تيران مولاي عبد الله بالرباط، كتطرح مجموعة من التساؤلات حول الطريقة اللي كيتم به تدبير التنظيم د المباريات المهمة فالبطولة الإحترافية وكأس العرش، خصوصا وأن المغرب دخل فرهانات لاحتضان تظاهرات كبيرة ومنها الترشح لاستضافة كأس إفريقيا 2025 وكأس العالم 2030.
كثرة الجماهير اللي ما عندهاش تذاكر فينال كأس العرش بين الرجاء الرياضي ونهضة بركان، وكاينة حدا تيران مولاي عبد الله وبالمقابل كاينين تذاكر كيتباعو فالمارشي نوار سوا بفيسبوك أو حدا الملعب نيت، كيطرح علامات استفهام كبيرة على كيفاش توزعوا التذاكر على الجماهير وشكون المستفيد من هذا الشي.
المسؤولية ماشي ديال نادي الرجاء او رئيسها او نادي بركان او رئيسها، المسؤول هو المنظمين هي الجهة المنظمة.