نايضة فالأهلي قبل الفينال مع الوداد المسؤولين ديالو دارو الفرزيات بين جمهورهم

نايضة الروينة بين الاهلي المصري والجماهير ديالاو، قبل فينال عصبة أبطال إفريقيا غدا مع الوداد الرياضي فستاد دونور.
وحسب مصدر مطلع، فالمسؤولين ديال بعثة الأهلي المصري فكازا، دارو الفرزيات بين جماهير الفريق فالتذاكر ديال ماتش الفينال ضد الوداد الرياضي.
وفرقو المسؤولين الاهلاويين تذاكر ماتش فينال العصبة غير على جماهير الاهلي اللي جايا معهم من مصر، وما بغاوش يعطيو للجماهير الأهلاوية من الجالية المصرية المقيمة بالمغرب.
والحجة ديال إدارة الأهلي المصري على الفرزيات اللي دارت بين جماهير فريقها، هو أن بزاف من مشجعين الأهلي من الجالية المصرية خذاو تذاكر الفينال ديال العام اللي فات وباعوهم فالمارشي نوار، فبلاصة ما يدخلو يشجعو الفريق.