الوداد قرب يربح صفقة منتصر الحتيمي

قرب الوداد الرياضي يحسم صفقة اللاعب المغربي الشاب منتصر الحتيمي من طرابزنون سبور التركي، خلال هذا الميركاتو الصيفي.
وكشفت مصادر مطلعة، أن الوداد الرياضي ربح بنسبة كبيرة صفقة لاعب وسط التيران منتصر الحتيمي، بعد مفاوضات مع الفريق ديالو طرابزنون سبور التركي اللي بداها الواك منذ أيام، ومنافسات قوية كانت مع الرجاء الرياضي واللي قرر يرجع اللور فهاد الصفقة.
ومن المنتظر تكون صفقة انتقال منتصر الحتيمي إلى الوداد الرياضي على شكل إعارة من فريق طرابزنون سبور التركي، لمدة موسم رياضي واحد مع إمكانية شراء عقد اللاعب من طرف الواك، وراه الحتيمي باغي يلعب مع الوداد باش يرجع الفورما والنيفو اللي كان فيه مع الفتح الرياضي قبل ما ينتقل إلى البطولة التركية الصيف الماضي، وهذا الشي طبعا فانتظار حسم الصفقة بشكل نهائي والتوقيع عليها.