طيارة ناضت فيها روينا واضطرات تبدل طريقها بسباب واحد خونا ماعطاوهش الماكلة لي بغا

قالت صحيفة The Guardian البريطانية في تقرير نشراتو أن طيارة تابعة لشركة يونايتد إيرلاينز كانت غاديا من هيوستن لأمستردام ولكن بدلات طريقها لشيكاغو، ملي مسافر كان راكب في بيزنس كلاس برزطهم حيت مجابوش ليه لماكلة لي طلب في الأول.
فتصريح لصحيفة The Guardian، قالت شركة يونايتد بللي الطيارة بدلات لمسار ديالها لمطار أوهير الدولي حيت تبرزطو بزاف مع مسافر، واستقبلات سلطات إنفاذ القانون الطيارة عند البوابة ودات معاها الراجل، والطيارة كملات طريقها لأمستردام.
الاتحاد الدولي للنقل الجوي قال إن حوادث الركاب غير المنضبطين زادت بنسبة 47% العام لي فات، وهيئة الطيران الفدرالية تقدر تولي تفرض غرامات على الركاب لي كيديرو روينا ويتحاكمو بتهم جنائية باش ميبقاش يتعاود بحال هادشي.