ها 3 لعابة المرشحين يمشيو مع المنتخب لاولمبياد باريس باش يجيبو شي ميدالية: بونو وحكيمي وامرابط او اكرد

ربح المنتخب المغربي لكرة القدم اقل من 23 سنة البارح السبت 8 يوليوز 2023 كأس افريقيا للامم وقبلها كان ضمن التأهل لاولمبياد باريس. دابا فالمشاركة فاولمبياد باريس القانون يسمح للمنتخبات المؤهلة تلعب 3 لعابة عمرهم كثر من 23 عام. اي من منتخب لكبار.
دابا شكون مرشح يكون من الاسود مع هاد المنتخب؟ المرشح الاول وفق ما علمته "كود" هو الحارس المرمى ياسين بونو. ضعف حارس المرمى فهاد الكاس كيخلي هادا هو الاختيار الاول.
اللاعب الثاني المرشح للانضمام لهاد المنتخب هو اشرف حكيمي لاعب باري سان جيرمان. بلاصتو موجودة. المنتخب دفاعيا كان ضعيف. باش تقوى هاد الدفاع من المتوقع يكون سفيان امرابط وسط ميدان دفاعي هو الثالث. هذا هي اللي تقدر تقوي المنتخب اكثر.
طبعا يقدر يكون نايف اكرد خيار وديك الساعة غادي يكون فبلاصة امرابط. غير هو لبيوتا اللي تماركاو على المغرب مع مصر فالفينال ومع مالي فنصف النهاية كتخلي الحاجة كبيرة لمثل امرابط. لبيوتا تماركاو خارج الكاري ديزويت ومن بعيد وما كان حتى حد فالوسط يدخل