مدرب الأولمبي المصري: الفينال مع المغرب غيكون صعيب كنحترمو المغاربة والهدف ديالنا نربحو الكاس

أكد البرازيلى ميكالي مدرب المنتخب المصري الأولمبي أن ماتش المغرب ومصر فالفينال ديال كاس إفريقيا U23، غدا السبت فتيران مولاي عبد الله بالرباط، ما غتكونش سهلة والمنافسة قوية، ولكن المصريين عازمين يربحو البطولة.
وتحدث مدرب منتخب مصر الأولمبي فالندوة الصحافية اللي كتسبق الفينال أمام المنتخب الوطني المغربي الاولمبي وقال: "عارفين بلي عندنا مباراة صعبة بزاف فالنهائي، وعارفين مزيان قيمة المواهب المغربية ، ولكن كنتمنى نرجعو بالكأس إلى القاهرة".
وكمل مدرب منتخب مصر وقال: "كنتوقع ماتش كبير غدا، ويكون حفلة كروية كتليق باسم المنتخبين الكبيرين، حيث صفوف المنتخبين عامرين بالمواهب، وراني متفاجئ بزاف بالجمهور المغربي والشغف ديالو بالكرة، وثقافة الكرة اللي طالعة بزاف هنا بالمغرب وهذا شي رائع، وكل الاحترام للمغرب ولكن غنلعبو باش نربحو".