فيه لقطات من بلدان أخرى.. فيديو ترويج للسياحة في الفلبين داير البوز

اضطرات وزارة السياحة الفلبينية باش تحذف مقطع فيديو لي كان خصو يروج للسياحة فهاد البلد. ف الفيديو كانو مشاهد ديال مواقع فإندونيسيا والبرازيل وسويسرا، هدشي دار بزاف ديال الانتقادات لي خلات الشركة للي دارت الفيديو تقدم اعتذار.
شركة "دي دي بي فلبين" المتخصصة في الإشهار وللي نتجات الفيديو، قالت إنها كتعتذر على لمشاهد لي"غير مناسبة قط" فلفيلم الترويجي للسياحة.
وكان مقطع ديال الفيديو جزء من حملة ترويجية عنوانها "لوف ذي فلبين"، وهاد الحملة حطات فيها الحكومة 900 ألف دولار، على حسب ماقالت وكالة الأنباء الفرنسية.