الوداد بداو كيتحركو فالميركاتو.. الناصيري فاجأ كلشي واتفق مع الجزائري إلياس الشتي باش يلعب مع الحمرا

غيكون الدولي الجزائري إلياس الشتي من الصفقات ديال الوداد الرياضي خلال هذا الميركاتو الصيفي، استعدادا للموسم الجاي.
وقدر الوداد الرياضي برئاسة سعيد الناصيري يوصل لاتفاق مع اللاعب الجزائري إلياس الشتي، باش يلعب مع وصيف بطل إفريقيا، ابتداء من الموسم المقبل فصفة انتقال حر.
وما بقى غير يجي اللاعب إلياس الشتي مول 28 عام إلى المغرب، باش يدير تيست ميديكال ويسني مع الوداد الرياضي، وراه تم الاتفاق بين الطرفين على 3 سنين.
وسبق للظهير الأيسر إلياس الشتي لعب مع كل من اتحاد الشاوية وشبيبة القبائل بالجزائر، والترجي التونسي، وأنجي الفرنسي اللي لعب معها حتى سالا الموسم الماضي.