ها مواعيد ليماتش د الرجاء والوداد فكاس العرب بالسعودية

تعرف كل من الرجاء والوداد الرياضيين على مواعيد ليماتش ديالهم فالبطولة العربية "كاس الملك سلمان"، واللي غتلعب بالسعودية هذا الصيف.
وبالنسبة للوداد الرياضي اللي كان فالمجوعة 1، غيلعب الماتش الأول مع السد القطري يوم 27 يوليوز، والماتش الثاني ضد اهلي طرابلس الليبي يوم 30 يوليوز، والماتش الثالث ضد الهلال السعودي يوم 2 غشت.
أما الرجاء الرياضي حامل لقب آخر نسخة اللي حملت اسم الملك محمد السادس، غيلعب فالكروب ديالو ضد فريق شباب بلوزداد الجزائري يوم 28 يوليوز، والماتش الثاني ضد الكويت الكويتي يوم 32 يوليوز، والماتش الثالث ضد الوحدة الإماراتي يوم 3 يوليوز.
وبخصوص مواعيد الأدوار النهائية للبطولة العربية، فربع النهائي غيتلعب يوم 5 و 6 غشت، ودومي فينال غيتلعب يوم 9 غشت، أما الفينال ديال المسابقة غيتلعب ويوم 12 غشت.