بودريقة حبس السيبة فالرجاء.. نزل 3 ديال الكوايرية لعند مسلوب فليسبوار بسبب الانضباط

سالا محمد بودريقة رئيس الرجاء الرياضي مع السيبة بالفريق اللي خلاها الرئيس السابق عزيز البدراوي ،وفرض الانضباط فالكروب وأي لاعب ما منضابطاش كنزلو ليسبوار كيفما كانت قيمتو.
وبداو 3 ديال اللاعبين كيتدربو مع فريق الأمل ديال الرجاء الرياضي اللي كيشرف عليه نبيل مسلوب، وكيتعلق الأمر بكل من عبد الإله حفيظي اللي كاعي عليه الجمهور مدة هذه، وزكرياء حدراف، والجزائر يسري بوزوق، وراه نزلتهم إدارة الرجاء ليسبورا بسبب قلة الانضباط.
وكان محمد بودريقة رئيس الرجاء الرياضي، فأول اجتماع عليه مع اللاعبين قبل أيام من دابا، حذرهم من قلة الانضباط وقالهم أن الرجاء ماشي ديال السيبة وبلي النيفو ديالهم ما كيليقش بالفريق وماراضينش عليه الرجاويين، وركز بزاف على الانضباط واللي ما غيلتزمش غيتعاقب.