تهميش حمد الله فاتحاد جدة بدا.. حيدو له "9" وعطاوها لبنزيما واش ولد آسفي غيسكوت لهم؟

كيعيش الدولي المغربي عبد الرزاق حمد الله وضع صعيب داخل فريق اتحاد جدة السعودي، وهذا الشي بسبب تعاقد الأخير مع الدولي الفرنسي كريم بنزيما أسطورة ريال مدريد الإسباني، وسط تساؤلات واش المهاجم المغربي غيتقبل يكون مهاجم ثاني أو احتياطي بعدما كان هو النجم الأول هداف البطولة السعودية هذا الموسم اللي ماركا فيه 21 هدف.
وكيبان بلي مستقبل عبد الرزاق حمد الله مع اتحاد جدة السعودي بدا كيدور عليه الشك، حيث الفريق السعودي ما يمكنش يلعب بجوج لاعبين فمركز واحد، والكلام هنا على حمد الله وكريم بنزيما، وطبعا الأسبقية وبالمناطق غتكون عند اللاعب الفرنسي اللي جاي بزبالة ديال لفلوس وبالسمية الكبيرة، حيث هو أكثر لاعب توج مع ريال مدريد.
اول مظاهر تهميش عبد الرزاق حمد الله داخل اتحاد جدة السعودي وتفضيل كريم بنزيما عليه، هي أن المسؤولين ديال الفريق السعودي حيدو الرقم "9" اللي كيلبس حمد الله ملي جا لاتحاد جدة وعطاوه لبنزيما، وهادي غير البداية، ومازال تقدر تبان أشياء أخرى خلال الأسابيع المقبلة اللي تكشف مستقبل اللاعب المغربي مع الفريق السعودي.
حمد الله كان علن على ترحيبو باي واحد يجي للنادي وقال باللي غادي تنتافس معاه