فأول قرار ليه. بودريقة سد تيران الوازيس وحول مقر الرجاء إلى لاكاديمي

غيتسد مركب الوازيس الخاص بنادي الرجاء الرياضي ابتداء من اليوم الاثنين، وهذا الشي بقرار من الرئيس الجديد محمد بودريقة.
وقرر محمد بودريقة رئيس الرجاء هو والمكتب المديري ديالو يسدو مركب الوازيس بالدار البيضاء، ونقل كل ما كيخص النادي إلى لاكاديمي فبوسكورة، باش يصلحو المركب من جميع النواحي والمرافق ديالو وحول مقر النادي إلى لاكاديمي مؤقتا بنما يتصلح الوازيس.
وهذا هو أول قرار ديال محمد بودريقة بالرجاء الرياضي، بعدما رجع لرئاسة النادي الجمعة الماضي خلفا للرئيس المستقيل عزيز البدراوي، وهذا الشي بعدما ربح فالانتخاب سعيد حسبان بنتيجة 117 مقابل 45.