منخرطين فالرجاء قاطعو اجتماع البدراوي حيث غاضبين عليه

عرف الاجتماع اللي دار عزيز البدراوي رئيس الرجاء الرياضي مع المنخرطين فالنادي، غياب عدد منهم واللي مازال فاقدين الثقة فيه وعلى أنه قادر يخرج الخضرا من الأزمة.
الاجتماع اللي عقدو عزيز البدراوي بأكاديمية النادي فبوسكورة نواحي مدينة الدار البيضاء، عرف غياب عدد من المنخرطين البارزين فبرلمان الرجاء واللي تعرفو بالمعارضة القوية له وانتقادو، ومازال رافضين الجلوس معه حيث ما عاجباهمش الطريقة باش كيسير الفريق.
وأكد نفس المصدر أن عزيز البدراوي كيحاول بهاد العراضات يتقرب من المنخرطين ديال الرجاء حيث مقلقين عليه حيث كان بعدهم من التسيير ملي طلع رئيس ودخل معه وحدين للمكتب عمرهم نخارطو فالنادي، وأنهم واخا مشاو شي وحيدن عندو البارح ولكن الاغلب فيهم داير بوجه الرجاء الفريق ديالو المحبوب، وراه ما مقتانعنش بداكشي اللي كيقول حيث ما عندوش برنامج مقنع، والغرض ديالهم كان هو يعرفو الأزمة ديال الفريق فين وصلات ويعاونو النادي حيث عارفين ان البدراوي بوحدو عاجز على حل المشاكل المالية ديال الخضرا، خصوصا من بعدما خرج "الصينية" باش يجمع الدعم.