مبلبلة ما بين المنخرطين ديال الرجاء والبدراوي

كيعرف برلمان نادي الرجاء الرياضي غليان وغضب تجاه رئيس الرجاء الرياضي عزيز البدراوي، بسبب الطريقة اللي كيسير بها الفريق واللي كيشوفوها عشوائية وغادي تزيد تغرق الفريق فالأزمة ماشي تحلها.
وعبر عدد من المنخرطين فالرجاء على غضبهم من عزيز البدراوي من خلال كروب الواتساب الخاص بالمنخرطين، وأنهم ما عاجبهمش الحال بسبب التسيير ديالو وعدم الوفاء بالكلمة اللي عطى بأنه غادي يرجع الرجاء كتخلع وكتدي الألقاب، وكاعيين على الصينية اللي كيجمع بها الفلوس من الرجاويين باش يرفع المنع ديال الانتدابات اللي مفروض على النادي فهاد الميركاتو.
المنخرطين ديال الخضرا مقلقين بزاف وحتى اللي كانوا منهم كيساندو عزيز البدراوي يا إما تقلبو ضدو بسبب التسيير ديالو خصوصا من بعدما طلق حملة الصينية باش يجمع التبرعات يا إما رجعو الوراء وبعدو منو من بعدما فقدو الثقة فالقدرة ديالو على إنقاذ الرجاء من الأزمة.