انتخابات غبية.. الباطرونا دايرين ديمقراطية هتلر: لعلج والتازي جابو 99 فالمائة من الأصوات وكيتحداو الحكومة برفض الزيادة فالسميگ وزادو همشو المقاولات لي ضرباتها الأزمة وتقوات مكانة حيثان الاقتصاد المتحكمين فالسوق

مسرحية واش من مسرحية دارت الباطرونا اليوم فالجمع العام الانتخابي لي دارو اليوم فكازا، بحيث تم الإعلان غن فوز شكيب لعلج والمهدي التازي، لولاية ثانية برئاسة الاتحاد العام لمقاولات المغرب.
وجرى انتخاب لعلج والتازي خلال جمع عام انتخابي عقد بالدار البيضاء، حيث حصلا على 3255 صوتا من أصل 3286؛ أي 99% من الأصوات.
لعلج جا بعقلية حماية الكبار وتهميش المقاولات الصغرى، وقال بانه اعتبارا من العام الجاي غايناقشو إصلاح الضريبة على القيمة المضافة، بعد الشروع في إصلاح الضريبة على الشركات. اييه كيقول للحكومة حنا جايين نديرو مابغينا فقانون المالية.
والخطير لعلج كيتحدى الحكومة وكيقوليها يلا بغيتو نطبقو الزيادة الثانية فالحد الأدنى للأجور خصكم تفعلو مدونة الشغل وقانون الإضراب (القانون لي معولها عليه الباطرونا باش تزيد تخنق الطبقة العاملة).