للمرة الأولى.. باسم يوسف يوجه رسالة لاذعة للرئيس السيسي!

وجه الإعلامي المصري باسم يوسف، للرئيس المصري عبد الفتاح السيسي، رسالة مباشرة هي الأولى من نوعها، علق خلالها على أزمة أمناء الشرطة وبعض الأحداث التي شهدتها مصر في الفترة الأخيرة.
وقال باسم عبر صفحته الرسمية على « فيسبوك »: « سيادة الرئيس طبيب الفلاسفة عبفتاح السيسي: أصل حاجة من الاثنين: يا إما إنت مسؤول مسؤولية كاملة عن اللي بيحصل في البلد من بلطجة أمناء الشرطة، لحبس كمية الناس المظلومين من ناس مالهاش ضهر، لشباب مالهمش ذنب، لكتاب وصحفيين مش المفروض يبقوا في السجن، لاقتصاد بايظ بسبب قرارات غبية قلنا قبل كده إنها غبية، لناس بتطلع تهفلط واسمهم لواءات، لسياحة بايظة مرة عشان طيارة بتقع ومرة عشان سلاح طيرانك بيطلع يضرب سياح في الصحرا، للبوليس بتاعك بيقبض ويعذب ويقتل أجانب زي ما بيعذب المصريين في الأقسام، لجهاز إعلامي موجه وقذر، لخمسين حاجة تانية بتعبر عن الفشل والغباء والغشومية ».
وأضاف: « المهم يا سيات الرئيس نرجع لموضوعنا: يا إما إنت مسؤول عن كل ده مسؤولية كاملة، يبقى إنت كده صاحبي وحبيبي وكفاءة وعرفنا المسؤول مين، يا إما إنت مش مسؤول خالص وإنت زيك زيينا بتتفرج ومش فاهم حاجة ومالكش لازمة زينا بالظبط، وفي الحالة دي أهلا بيك في صفوف الجماهير. تعالى بقى، ما تيجي، مش تبقى تيجي؟ ».