نسا الهمّ ينساك 08 دجنبر 2011

مكلّخ
واحد خرجوه من الامتحان ديال الرياضيات، علاش؟
لقاوه كاتب جدول الضرب مورا الكالكيلاتريس
---------------------------------------
مبوّق
هادا واحد مبوق سول صاحبو:فين تولدتي؟
قال ليه صاحبو: ف السبيطار
قال ليه المبوق: مالك أصاحبي كنتي مريض؟
--------------------------------------
البقر البيض والكحل
هادا واحد الفلاح جات عندو صحفية تسولو على البقر
قالت ليه: أشنو كتوكل البقر ديالك؟
قال ليها: شكون فيهم؟ البيض أولا الكحل؟
قالت ليه: البيض
قال ليها: كنعطيهم العلف
قالت ليه: والكحل؟
قال ليها: حتى هوما كنعطيهم العلف
قالت ليه: وفين كتدير البقر ديالك
قال ليها: شكون فيهم؟ البيض أولا الكحل؟
قالت ليه: البيض
قال ليها: كنديرهم ف الحوش
قالت ليه: والكحل؟
قال ليها: حتى هوما كنديرهم ف الحوش
قالت ليه: إيلا سرحتي بالبقر ديالك فين كتديهم؟
قال ليها: شكون فيهم؟ البيض أولا الكحل؟
قالت ليه: البيض
قال ليها: كنسرح بيهم حدا الواد
قالت ليه: والكحل؟
قال ليها: حتى هوما كنسرح بيهم حدا الواد
تعصبات الصحفية وقالت ليه: واش نتا فينما نسولك كتقول ليا واش البقر البيض أولا الكحل ونتا داير ليهم كولشي بحال بحال؟
قال ليها: لا، لحقاش البيضين دياولي
قالت ليه: والكحلين؟