طنجة.. مصنع كبير "يطمع" في الرصيف ويشوّه وجه المدينة! (صور)    مشاركة OCP في "سيام".. ترسيخٌ للعنصر البشري في التحول الفلاحي    منتوج غريب يتسبب في تسمم 11 طفلا باشتوكة    الحبس النافذ لرجلي أمن ببنجرير    ريال مدريد يقلص الفارق مع برشلونة    بمشاركة واسعة للطلبة.. عميد كلية العلوم بتطوان يترأس فعاليات توعوية بمناسبة اليوم العالمي للأرض    موتسيبي: نجاح كرة القدم في المغرب يجسد القيادة المتبصرة للملك محمد السادس    بوعياش تدعو إلى صياغة مشروع قانون المسطرة الجنائية ببعد حقوقي    حموشي يستقبل مسؤول الاستعلامات ووفد أمني عن الحرس المدني الإسباني    61 مقعد ل"الأحرار" بالانتخابات الجزئية    بنعلي تعلن عن إنشاء أول محطة لاستقبال الغاز الطبيعي المسال بالناظور على خلفية ارتفاع لافت للاستثمار في الطاقات المتجددة    وزراء أفارقة يتفقون بمكناس على خطة زراعية ودعم تفاوضي موحّد للقارة    خبراء ينادون بتدريس التنشيط الرياضي    الأردن يتهم "الإخوان" بتصنيع الأسلحة    "توريد أسلحة لإسرائيل" يفجّر استقالات بفرع شركة "ميرسك" بميناء طنجة    وزير الزراعة الفلسطيني يشيد بالدعم المتواصل لوكالة بيت مال القدس الشريف للمزارعين المقدسيين    شباب الريف الحسيمي يراهن على جماهيره في مواجهة وداد صفرو    مقاضاة الدولة وأزمة سيادة القانون: الواقع وال0فاق    الحكم الذاتي والاستفتاء البعدي!    رئيس الحكومة يشرف على انطلاق جولة أبريل من الحوار الاجتماعي    سابقة قضائية.. محكمة النقض تنتصر لشابة تعاني اضطرابات عقلية أنجبت طفلا من شخص بالحسيمة    بورصة الدار البيضاء تنهي تداولاتها بأداء إيجابي    وزراء الخارجية العرب يرحبون بانتخاب المغرب لرئاسة التحالف العالمي للمؤسسات الوطنية لحقوق الإنسان    بعد حوادث في طنجة ومدن أخرى.. العنف المدرسي يصل إلى البرلمان    الابتكار في قطاع المياه في صلب نقاشات الملتقى الدولي للفلاحة بالمغرب    بالتعاون مع وزارة الصحة والحماية الاجتماعية.. نقل سيدة إيفوارية من الداخلة إلى مراكش عبر طائرة طبية بعد تدهور حالتها الصحية    في حضرة الوطن... حين يُشوه المعنى باسم القيم    المغرب يجذب مزيدا من الفاعلين الاقتصاديين والمستثمرين الدوليين (صحيفة فرنسية)    الإتحاد الأوروبي يخاطر بإثارة غضب ترامب    وزراء الخارجية العرب يؤكدون على مركزية اتفاق الصخيرات كإطار عام للحل السياسي في ليبيا    بطلة مسلسل "سامحيني" تشكر الجمهور المغربي    الكتاب في يومه العالمي، بين عطر الورق وسرعة البكسل    نادي "الكاك" يعتذر لجمهور القنيطرة    نادي مولودية وجدة يحفز اللاعبين    توقعات أحوال الطقس ليوم غد الخميس    زلزال بقوة 6.2 درجة يضرب إسطنبول    وفاة الإعلامي الفني صبحي عطري    تراجع أسعار الذهب مع انحسار التوترات التجارية    "طنجة المتوسط" يؤكد دعم الصادرات في المعرض الدولي للفلاحة بمكناس    عباس يطالب "حماس" بتسليم السلاح    القضاء يستمع إلى متزوجين في برنامج تلفزيوني أسترالي    إصابة الحوامل بفقر الدم قد ترفع خطر إصابة الأجنة بأمراض القلب    الحل في الفاكهة الصفراء.. دراسة توصي بالموز لمواجهة ارتفاع الضغط    أمريكا تتجه لحظر شامل للملونات الغذائية الاصطناعية بحلول 2026    هذه أغذية مفيدة لحركة الأمعاء في التخلص من الإمساك    المغرب يعزز منظومته الصحية للحفاظ على معدلات تغطية تلقيحية عالية    في الحاجة إلى مغربة دراسات الهجرة..    نقل نعش البابا فرنسيس إلى كاتدرائية القديس بطرس    في جولة أبريل من الحوار الاجتماعي.. الاتحاد العام لمقاولات المغرب يؤكد على تجديد مدونة الشغل والتكوين    المنتخب المغربي للتايكواندو يشارك في كأس رئيس الاتحاد الدولي للتايكوندو بأديس أبابا    "الإيقاع المتسارع للتاريخ" يشغل أكاديمية المملكة المغربية في الدورة الخمسين    الغربة بين الواقع والوهم: تأملات فلسفية في رحلة الهجرة    صحيفة ماركا : فينيسيوس قد يتعرض لعقوبة قاسية (إيقاف لمدة عامين    مغرب الحضارة: حتى لا نكون من المفلسين    لماذا يصوم الفقير وهو جائع طوال العام؟    وداعًا الأستاذ محمد الأشرافي إلى الأبد    قصة الخطاب القرآني    المجلس العلمي للناظور يواصل دورات تأطير حجاج الإقليم    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



بوغطاط المغربي | شنو كيدير زكرياء مومني لي ما عندوش حتى الباك فمركز فخم ديال السكن الجامعي لي واصل فيه الكرا ل 1200 دولار شهريا وشكون كيصرف عليه؟
نشر في برلمان يوم 10 - 07 - 2023


تحية بوغطاطية للجميع،
فواحد المقال بتاريخ 23 يونيو 2022 بعنوان: "بوغطاط المغربي: السلوڭيات ديال علي المرابط وزكرياء مومني وفوبيا الحموشي"، كنت كشفت ليكم معطيات حصرية على الكذوب ديال التهديدات لي كان كيدعي زكرياء مومني بلي كيتلاقها في فرنسا، سواء فالشقة لي كان عايش فيها عالة على مراتو طالين بلا خدمة بلا ردمة. أو فالشقة لي كان عايش فيها عالة على شي صحيبتو من مور ما تفارق مع طالين.
المقال كنت كشفت فيه بلي كاع البلايص لي كان عايش فيهم، كانو مجهزين بعدة كاميرات مراقبة وبلي أي حركة غريبة فالمحيط ديالهم كانت غادي يتم الرصد ديالها. والأمن كان غادي يتحرك باش يتفاعل معها، عساك عاد إذا وقع عليه اعتداء أو محاولة اعتداء أو تهديد.
وبالتالي، سبب حفظ الشكايات ديال مومني لي كان كيبرزط بها الشرطة الفرنسية، هي أنه ما كانو كيلقاو والو على داك التبوحيط والسلوكيات لي كان كيطلق عليهم، ولي خدمهم من بعد باش يهرب لكندا يطلب اللجوء.
نفس التبوحيط والسلوكيات لي بسبابهم غادي يترفض ليه اللجوء، حيت أصلا مازال ما خداهش بصفة نهاية ورسمية، عكس الكذوب لي روج ليها فالصحافة. والمصالح ديال اللجوء مازال شاكة فمصداقية الادعاءات لي تقدم بيهم المومني بخصوص تعرض حياته لخطر مزعوم في فرنسا.
ومن بين أسباب رفض طلب اللجوء حسب ما كشف عليه واحد الخبير فشؤون الهجرة واللجوء فكندا، هو فقدان المصداقية. ويمكن ليكم تطلعو على الفيديو ديالو فهاد الرابط https://youtu.be/1FTkoAzZcwg
حسب نفس الخبير، إذا تبين بلي الخطر لي كيدعي مول طلب اللجوء مبالغ فيه وما كيتناسبش مع الوضع ديال البلد لي جا منو (فحالة مومني، كنهضرو على فرنسا)، راه كيرفضو ليه الطلب ديالو. يعني إذا عرفو بلي نوع التهديد لي ادعى أنه وقع ليه في فرنسا ما يمكنش يوقع فبلاد بحال فرنسا أو ما كاينش دليل قاطع عليه راه كيرفضو ليه الطلب.
المهم، ما علينا.
اليوم رجعت ليكم بمعطيات أخرى جديدة، حصرية ومثييييرة للغاية.
ولكن هاد المرة على البلاصة لي صايب منها زكرياء مومني الفيديوهات ديالو الأخيرة على اليوتيوب. ولي غادي تكشف شلااااا كذوب ديال هاد "الصلكوط" وتزيد تأكد ليكم بلي السيد ما حصلش على اللجوء فكندا وبأنه عايش مجلوق وماشي مستقر كيف من المفروض يكون أي لاجئ.
إذا رجعتو للفيديوهات ديال مومني إلى حدود 27 ماي 2023، كان فالغالب كيديرها من بلاصة وحدة، مع اختلاف فالديكور والخلفية. ولكن من مور الفيديو ديال التاريخ المذكور، غادي تلاحظو أن السيد بدل البلاصة، بحيث ثلاثة ديال الفيديوهات ديالو الأخيرة كانت من مكان آخر.
شنواهو هاد المكان فنظركم؟
البلاصة مغاديش تخطر ليكم على البال، لأن لا البروفيل ولا الإمكانيات المادية ديال هاد الصلكوط بصفتو طالب لجوء، ما يمكنش تمكن ليه يعيش بشكل مستقر فديك البلاصة، الشيء لي كيخلينا نطرحو أكثر من علامة استفهام.
ولكن قبل ما نطرحو دوك الأسئلة، أجيو بعدا نعرفو البلاصة.
البلاصة أسيادنا هي عبارة عن سكن جامعي "بريفي" ديال الطلبة فمونتيال سميتو EVO.
ومااااشي أي سكن جامعي الله يخليكم. هادا واحد المركز ديال إسكان الطلبة الثمن ديالو طالع، كان عبارة عن جوج ديال الفنادق فخمة، قبل ما يتشراو ويرجعو مركز ديال إسكان الطلبة ف 2014.
والثمن باش تسكن فيه كيوصل 775 دولار شهريا بالنسبة للغرفة المزدوجة (يعني إذا كنتي غتكري مع شي حد آخر) و 1200 دولار شهريا بالنسبة للغرفة الفردية.
وواحد المسؤول براسو فمؤسسة مختصة فتطوير مشاريع ديال إسكان الطلبة، كان قال فتصريحات بلي هاد المركز ديال EVO ما مديورش للطلبة لي جايين من أوساط متواضعة.
طبعا، كاين لي غادي يقولي وا بوغطاط فين أصلا عرفتي بلي مومني دار الفيديوهات ديالو من تما ؟
البلاصة عرفتها ببساطة من المكلخ ديال مومني براسو (باش ما يقولكش راه تاااابعيني حاااضييني كيتجسسو عليا) حيت الخلفية لي كتبان فالفيديواهات ديالو الأخيرة هي بلاصة معروفة فمونتريال.
البناية لي كتبان فالخلفية سميتها « Le 1000 De La Gauchetière » وهي من أشهر ناطحات السحاب لي كاينين فكندا ولي تبنات ف 1992.
وبعد الأخذ بعين الاعتبار الزاوية لي مصور منها مومني، كيف كنلاحظو فالصور، كتبان ناطحة السحاب جاية بين جوج بنايات
وبعد البحث على عمي غوغل، غادي يكون المنظر الخارجي فالشارع هو كيف كتشوفوه الصورة أسفله
الزاوية لي مصور منها مومني، جاية مقابلة جنب مع المنظر لي شفتوه فالصورة لفوق، ولكن كان وا لابدا نديرو بحث أكثر دقة على عمي غوغل تاني ولكن هاد المرة من خلال الاستعانة بتقنية الرؤية 360° باش نعرفو شنو لي مقابل مع داك المنظر، كيف غتشوفو فالفيديو أسفله
الشيء لي خلانا نعرفو ونتأكدو بلي زكرياء مومني دار الفيديوهات ديالو من قلب مركز إسكان الطلبة لي سميتو EVO، حيت ما كاينة حتى شي بلاصة خرى لي ممكن تتصور منو ديك الخلفية وبديك الزاوية من غير داك المبنى ديال EVO.
وباش تزيدو تتأكدو كثر بلي بصح كاين فديك البلاصة، الكوليخ البليد ديال مومني عاطينا حتى المنظر بالليل ههههه كيف كتشوفو فالصورة أسفله
وفاش كنقلبو فعمي غوغل (الله يخليه لينا) فالصور ديال داك السكن الجامعي ديال EVO كنلقاو تصويرة بنفس المنظر بالليل وتقريبا من زاوية قريبة من الزاوية لي كيصور منها زكرياء مومني، غير وكان هاد التصويرة مولاها ف étage عالي شوية على ديال مومني.
و دابا، أجيو نطرحو الأسئلة لي خاصنا نطرحوها:
أولا أش جاب زكرياء مومني لهاد مركز إسكان الطلبة الجامعيين وهو ولد الكاطريام حتى الباك ما عندوش؟
حسب ما كان صرح بيه هو براسو فواحد المحضر فاش تصنتو ليه البوليس الفرنسي فواحد الشكاية كان دارها ضدو عادل بلكايد.
ثانيا، حتى إذا افترضنا جدلا كااااع، بلي السيد ضبر على شي statut (يقدر يكون مزور كاع) ديال "طالب" فشي قرينة كحلة، منين بالسلامة غتجيه لفلوس لي غادي يكري بها شهريا بيت ب 1200 دولار فداك المركز ؟؟؟؟
علما أنه حتى إذا افترضنا أن كندا كتعطيه شي إعانة بصفتو طالب لجوء، راه ما يقدرش يكري بها فديك البلاصة، حيت أصلا الإعانة ما كتوصلش ل 1200 دولار أو ما كتفوتهاش.
لا والواعرة قالك جاو عندي شي أصدقاء من أوروبا كنت كنساريهم فكندا هههههه فيييين يا وليدي غيجيو عندك؟؟ فبريتيش ديال الطلبة؟؟؟ ياالاه ياالاه يقدك نتا بوحدك هههه.
هادي تاني كذبة خرا كتبين بلي السيد كان غابر فشي قرينة حكلة. يعلم الله أشمن مشكل كان عندو خلاه ما يديرش الفيديوهات.
أنا بعدا كبوغطاط، وقبل هاد لبلان ديال EVO، شي مصادر موثوقة كانت قالت ليا بلي زكرياء مومني ماساكنش بشكل مستقر فكندا وبأنه عايش مجلوق، كل مرة فقنت وكل مرة كيضبر على معارف وصحاب معامن يدوز شي يامات وبأنه معندوش شي محل ديال السكن ثابت ومستقر.
ولكن هاد لبلان ديال السكن الجامعي الفخم ديال EVO، فراه كيزيد يأكد بلي يا إما كاينة شي جهة لي كتصرف عليه، يا إما شي فيلم جديد ديال تانصابت داخل فيه مومني.
شنو كيدير زكرياء مومني لي ما عندوش حتى الباك فمركز فخم ديال السكن الجامعي لي واصل فيه الكرا ل 1200 دولار شهريا وشكون كيصرف عليه؟


انقر هنا لقراءة الخبر من مصدره.